بایاتی

عاشیقین هاراییندان / ائل یاتماز هاراییندان

گونده بیر کرپیچ دوشور / عومرومون ساراییندن

لالای دیدم یاتاسان / قیزیل گوله باتاسان

قیزیل گولون ایچینده / شیرین یوخو تاپاسان

عزیزیم کاساد اولماز / مرد الی کاساد اولماز

یوز نامردین چوره یین / دوغراسان کاسا دولماز

بایاتی

آغلارام آغلار کیمی‌ / دردیم وار داغلار کیمی‌

خزان اولدوق توکولدوق / وئرانا باغلار کیمی‌

سوتک آرخا دولاندیم / ساپ تک چارخا دولاندیم

ظالیم فلک الیندن / قورخا قورخا دولاندیم